Компания заманауи сауықтыру және профилактикалық кеңістікке қажетті құрылыс-монтаж жұмыстарын жүргізіп, оны арнайы құрал-жабдықтармен қамтамасыз етті.

Бұл бастама орталықтың материалдық-техникалық базасын нығайтып, көрсетілетін қызмет түрлерін кеңейтуге мүмкіндік берді. Жаңа тұзды бөлме өңір тұрғындары үшін сауықтыру шараларының қолжетімділігін арттырып, ем алушылардың денсаулығын қалпына келтіру мен нығайтуға қолайлы жағдай жасауға ықпал етеді.

Оңалту орталығының ресми ашылуы Халықаралық балаларды қорғау күніне орай өтіп, шараға Bolashak Group өкілдері қатысты. Орталық ұжымын жаңа нысанның ашылуымен құттықтаймыз, алдағы жұмыстарына толағай табыс, кәсіби жетістіктер мен келушілердің алғысына ие болуды тілейміз.

Қоғам үшін маңызды әлеуметтік бастамаларды қолдау – Bolashak Group қызметінің басым бағыттарының бірі. Компания халықтың өмір сүру сапасын жақсартуға және өңірдің тұрақты дамуына үлес қосатын жобаларды жүйелі түрде жүзеге асырып келеді.