Милан қаласында Қазақстан мен Италия арасындағы экономикалық байланыстарды нығайтуға бағытталған маңызды халықаралық іс-шара аяқталды. Сауда-инвестициялық мүмкіндіктерге арналған бизнес-форумда үкіметтердің, бизнестің өкілдері мен түрлі салалардың сарапшылары жиналды. Petrocouncil серіктестігімен өткен форум Қазақстан Елшілігі мен ҚР Сауда Министрлігінің қолдауымен ұйымдастырылды.

Форумның нәтижесінде сауда және инвестициялық байланыстарды дамыту үшін негізгі келісімдерге қол қойылып, жаңа серіктестік қатынастар орнатылды. Энергетика, инфрақұрылым және өнеркәсіптегі ынтымақтастықты қолдау шаралары талқыланып, мәдени және ғылыми өзара алмасу бастамалары ұсынылды. 

Сонымен қатар қазақстандық делегация Мадрид қаласында испандық EPC мердігері TECNICAS REUNIDAS (TR) компаниясымен кездесу өткізді. Кездесу барысында Атырау облысындағы полиэтилен жобасының іске асырылуы, TR компаниясының халықаралық нарықтағы қызметі, олардың тәжірибесін Қазақстанда қолдану мүмкіндіктері және жергілікті қамту мен локализация саласындағы ынтымақтастық мәселелері талқыланды.

Қазақстандық делегация құрамында болған Bolashak Group-тың бас директоры Алма Нсанбаева біздің компанияның мүддесін білдірді.