Осы жылдың мамыр айында «Болашақ Атырау» компаниясы Х.Досмухамедов атындағы Атырау мемлекеттік университетінің 3-4 курс студенттеріне, Каспий өңірінің көпсалалы жоғары колледжі және Оңай Қошайбеков атындағы Атырау аграрлы-техникалық колледжінің студенттері үшін мастер-класс өткізді.

Іс-шаралар студенттерді мансапты сәтті бастауға дайындауға бағытталған. «Болашақ Атырау» сарапшылары мен Мамандарды іріктеу бөлімінің Менеджері Айнұр Давлетова студенттерге тартымды және тиімді түйіндемені жасау жолдары туралы баяндап берді. Түйіндеменің құрылымының негізгі элементтері, назар аударатын маңызды сәттер мен жиі кездесетін қателіктер жайында терең талқыланды. Студенттерге жеке кеңес алу мүмкіндігі берілді. Әр қатысушының түйіндемесін жақсарту бойынша жеке ұсыныстар берілді. Бұл студенттерге өздерінің мықты жақтарын қалай көрсету керектігін жақсы түсінуге септігін тигізді.  

Қатысушылар арасында ерекше қызығушылық тудырған мастер-класстың маңызды сәттерінің бірі «Болашақ Атырау» компаниясында тағылымдамадан өту ұсынысы болды. Айнұр тағылымдамадан өту бағдарламалары мен өтінім беру процедурасы туралы толық ақпарат беріп, бұл студенттерге өз мансабын аймақтың жетекші компаниясындағы тәжірибеден бастауға тамаша мүмкіндік екенін ескеріп өтті. 

Барлық түлектерге дипломдық жобаларын сәтті қорғауды және өз арманындағы жұмысын табуды тілейміз, ал алған білім мен кеңестер бұған міндетті түрде көмектеседі!