24-ші сәуір күні Болашақ Атырау компаниясы Алматы Энергетика және Байланыс Университеті тарапынан өткізілген бос орындар жәрмеңкесіне қатысты. Жәрмеңкеге қазіргі таңда букіл Қазақстан бойынша сұранысқа ие «Автоматизация және басқару», «Ақпараттық жүйелер», «Есептеу техникасы мен бағдарламалық жасақтамалар», «Құрал жасау», «Жылу энергетикасы», «Электр энергетикасы», «Радио техникасы, электроника және телебайланыстар» мамандығы бойынша түлектер мен студенттер қатысты. Олардың барлығы біздің қызметкерлерден сәтті жұмысқа тұру үшін түйіндемені дұрыс толтыру, оқу тәжірибесінен өту және бірнеше тілді жетік меңгеру қажеттілігі туралы тәжірибелік кеңестер алды. Төменгі курс студенттеріне ең қызықты және маңызды тәжірибе алу мүмкіндігін қамтитын, вахталық әдіспен шалғай жатқан аудандарда жұмыс жасауға қаншалықты әзір екендігі жөнінде осы бастан ойлану қажеттілігі, сондай-ақ қалған оқу жылдары барысында барлық күш-жігерді өз мамандығы бойынша және оқу қабырғасынан тыс студенттерге арналған түрлі кәсіпкерлік ассоциациялар, мамандандырылған көрмелер мен іс-шараларға қатыса отырып,тереңдетілген білім алу маңыздылығы туралы айтылды. ЖОО мансап орталығының бос жұмыс орындар жәрмеңкесін тамаша ұйымдастырғанын және жұмыс берушілер мен түлектердің жемісті қарым-қатынасы үшін түрлі бағдарламалардың қамтамасыз етілгенін атап өткіміз келеді. Барлық АЭБУ студенттері мен түлектеріне оқуда сәттілік, ал оқытушылар құрамына жұмыс берушілерден өз тәрбиеленушілері жөнінде тек үздік пікірлерді естуді тілейміз.